हस्तमैथुन (Hand Masturbation)

लैंगिक आरोग्य: हस्तमैथुन

हस्तमैथुन हे आपल्या शरीराचा शोध घेण्याचा आणि त्यातून आनंद मिळवण्याचा एक नैसर्गिक भाग आहे. साधारणत: किशोरवयात मुलं-मुली हळूहळू समजतात की त्यांच्या शरीराच्या विशिष्ट भागांना स्पर्श केल्यावर त्यांना आनंद मिळतो. या स्पर्शातून उत्सुकता वाढत जाते आणि काही लोक हस्तमैथुन करू लागतात. काहींना हे योग्य प्रकारे जमते, तर काहींना नाही.

हस्तमैथुनाविषयीचे गैरसमज

1. ब्रह्मचर्य पाळणे अत्यावश्यक आहे:

पुराणकाळात ब्रह्मचर्य पाळणे अत्यंत आवश्यक मानले जात होते कारण बालविवाह होई. मात्र, आजच्या काळात लग्नाचे वय २५-३० वर्षांपर्यंत वाढले आहे.

2. हस्तमैथुन केल्याने शरीर कमजोर होते:

तज्ज्ञांच्या मते, हस्तमैथुन केल्याने शरीर कमजोर होत नाही. उलट, यामुळे एन्डोर्फिन्स नावाचे हार्मोन्स स्त्रवतात, ज्यामुळे आनंदाची भावना निर्माण होते.

3. खूप जास्त हस्तमैथुन केल्याने वैवाहिक जीवनावर परिणाम होतो:

हस्तमैथुन आणि जोडीदारासोबतचा सेक्स या दोन्ही क्रियांचा आनंद वेगळा असतो. या गैरसमजांमुळे मानसिक ताण निर्माण होतो, ज्यामुळे समस्या उद्भवू शकतात.

4. हस्तमैथुन ही वाईट सवय आहे:

हस्तमैथुन ही एक नैसर्गिक प्रक्रिया आहे ज्यातून आनंद मिळतो.

5. हस्तमैथुन केल्याने लिंग वाकडे होते:

लिंग वाकडे होण्याचा हस्तमैथुनाशी काहीच संबंध नाही. अपघाती किंवा चुकीच्या पद्धतीने केल्यास असे होऊ शकते, अन्यथा नाही.

कोण हस्तमैथुन करू शकतात?

• अविवाहित मुलं-मुली
• विधवा-विधुर
• लांब अंतरावर असलेले पती-पत्नी किंवा प्रियकर-प्रेयसी
• नवरा-बायको एकत्र राहत असले तरी इच्छा असल्यास

अर्थात, हस्तमैथुन ही एक सर्वसामान्य गोष्ट आहे जी पुरुष आणि स्त्रिया दोघांनाही लागू होते. मात्र, पुरुषांसाठी योग्य चर्चेऐवजी टर उडवली जाते. स्त्रिया देखील हस्तमैथुन करतात, पण याबद्दल खुलं बोलणं कमी असतं, त्यामुळे त्या या आनंदापासून वंचित राहतात.

समाजातील गैरसमज:

• लग्नापूर्वी हस्तमैथुन केल्यास मुलगा किंवा मुलगी वाया गेली असे मानले जाते.
• लग्नानंतर हस्तमैथुन केल्यास ते जोडीदारावरील विश्वासघात आहे असे मानले जाते.
• सेक्स म्हणजे फक्त संभोग हाच गैरसमज असतो.

आजकाल व्हायब्रेटर किंवा सेक्स टॉईज सामान्य होत आहेत. मुलींना G-spot आणि हस्तमैथुनाची योग्य पद्धत शिकवण्याची गरज आहे.

विवाहित व्यक्ती आणि हस्तमैथुन:

सर्वात सामान्य प्रश्न म्हणजे विवाहित असताना हस्तमैथुन का करायचे? तो जोडीदाराचा विश्वासघात नाही का?

कल्पना करा, तुम्ही मध्यरात्री उठलात आणि तुमचा जोडीदार हस्तमैथुन करताना दिसला. तुमची प्रतिक्रिया काय असेल?

हे समजून घ्या:

• जरी तुम्ही विवाहित असाल आणि तुमचं लैंगिक जीवन सुरळीत चालू असलं तरी प्रत्येकाची लैंगिक गरज वेगळी असते.
• काही लोकांना वैविध्य हवं असतं.
• काही लोकांची लैंगिक गरज त्यांच्या जोडीदारापेक्षा अधिक असते.
• हस्तमैथुन स्वतःला आनंद देण्याची एक पद्धत आहे.
• काही लोक हस्तमैथुन करताना त्यांच्या क्रश किंवा आवडत्या कलाकाराला डोळ्यासमोर ठेवतात.
• विवाहित जोडपी परस्पर हस्तमैथुन करून एकमेकांना आनंद देऊ शकतात.
• संभोगादरम्यान एका जोडीदाराने आधी परमोच्च आनंद गाठल्यास, दुसरा जोडीदार हस्तमैथुनाद्वारे आपली गरज पूर्ण करू शकतो.

म्हणून, जोपर्यंत तुमच्या गरजा पूर्ण होत आहेत, तोपर्यंत दुसऱ्याला त्याचा आनंद घेऊ द्या.

तुमचं मुलं आणि हस्तमैथुन:

जर तुम्ही तुमचं मुल हस्तमैथुन करताना पाहिलं तर तुमची प्रतिक्रिया काय असावी? ओरडाल? रागवाल? माराल?

वरील काहीही करायचं नाही. त्याऐवजी, शांतपणे तिथून बाहेर जा आणि नंतर मुलाला विश्वासात घेऊन योग्य प्रकारे हस्तमैथुन करण्याची माहिती द्या. हस्तमैथुनाबद्दलचे गैरसमज काढून टाका, पण यासाठी तुम्हाला आधी स्वतःलाही योग्य माहिती असणे आवश्यक आहे. याशिवाय, सार्वजनिक ठिकाणी किंवा जिथे इतरांना त्रास होईल अशा ठिकाणी हस्तमैथुन करणे टाळावे.

हस्तमैथुनाचे फायदे:

• लैंगिक ताण कमी होतो.
• मन आणि शरीर शांत होते.
• हस्तमैथुन पूर्णतः सुरक्षित आहे.
• ४० वयानंतर होणाऱ्या हार्मोनल असंतुलनांशी सामना करायला मदत होते.

काळजी घ्या:

• हस्तमैथुनाबद्दल टिंगल न करता योग्य माहिती घ्या आणि आनंद घ्या.
• तुमच्या कृतीमुळे इतरांना त्रास होणार नाही याची काळजी घ्या.
• स्वच्छतेची काळजी घ्या.
• सेक्स टॉईज किंवा साधनांचा योग्य वापर शिकून घ्या.
• सार्वजनिक ठिकाणी हस्तमैथुन टाळा; हे एक गुन्हा आहे.
• जर हस्तमैथुनाची सवय अतिशय वाढली असेल तर, मेडिटेशन किंवा छंद जोपासा.

लैंगिक गरजा पूर्ण करणे हा मानवाचा नैसर्गिक अधिकार आहे, पण ते करताना इतरांना त्रास होणार नाही याची खबरदारी घ्या.

लैंगिक आरोग्याशी संबंधित कोणत्याही समस्यांसाठी, तुम्ही संपर्क करू शकता:

डॉ. बाबासाहेब रेणुशे, एम.डी. मेडिसिन (आयुर्वेद)
प्रज्ञा क्लिनिक, कोकण नगर, रत्नागिरी
फोन: ७०५७३९४०३६

योग्य सल्ल्यासाठी अपॉइंटमेंट घेऊन भेट द्या!